Nuk ka mundur t’i mbijetojë plagëve të marra në aksidentin e trefishtë që u regjistrua para disa javësh në Elbasan 34- vjeçari Juli Sulanjaku nga Elbasani. Aksidenti u regjistrua në aksin rrugor Elbasan-Cërrik, në lagjen “Shënkoll”, ku u përfshin 3 automjete dhe mbetën të plagosur dy persona.Në deklaratën për median policia bënte me dije se si pasojë e aksidentit janë dëmtuar shtetasit M. Q. dhe J. S., të cilët ndodhen në spital, jashtë rrezikut për jetën, por e vërteta është ndryshe, pasi qysh në momentin që të plagosurit janë dërguar në spital ata kanë qënë në gjendje kritike për jetën, veçanërisht 34-vjecari i cili ndërroi jetë sot. Babai i dy fëmijëve ka qënë duke shkuar për të marrë fëmijët në shkollë teksa është goditur nga një makinë me shpejtësi të lartë. Prej më pak se një muaj 34-vjecari luftoi në spital, por nuk mundi dot ta fitonte betejën me jetën. Ai përcillet sot në banesën e fundit, duke lënë pas trishtim dhe dhimbje të thellë.
Njoftimi i Policisë
Në aksin rrugor Elbasan-Cërrik, në lagjen “Shënkoll”, janë përfshirë në aksident rrugor 3 automjete, me drejtues shtetasit Q. B., 60 vjeç, M. Q., 28 vjeç dhe J. S., 34 vjeç.
Si pasojë e aksidentit janë dëmtuar shtetasit M. Q. dhe J. S., të cilët ndodhen në spital, jashtë rrezikut për jetën.
Shtetasi Q. B. është shoqëruar në ambientet e Policisë, për kryerjen e veprimeve procedurale.
Shërbimet e Sektorit të Qarkullimit Rrugor dhe grupi hetimor vijojnë punën, për sqarimin e rrethanave të aksidentit.Elbasanion
