Policia e Elbasanit ka arrestuar këtë të dielë menaxherin e një këndi lojërash në Elbasan, ku mbrëmë u dëmtua roja i këtij biznesi, ndërsa është shpallur në kërkim pronari.
Burime zyrtare bënë me dije se rezultoi se 44-vjeçari me inicialet L.X., rezultonte i pasiguruar në këtë biznes, ndërsa fatmirësisht ndodhet jashtë rrezikut për jetën.
Materialet procedurale i kaluan Prokurorisë, për veprat penale “Shkelja e rregullave të mbrojtjes në punë”, “Fshehja e të ardhurave” dhe “Mospagimi i taksave dhe tatimeve”.
Nderkohe lojerat ne qender te qytetit konsiderohen me te pasigurtat dhe eshte fat qe nuk ka pasur aksidente te tjera. Ka muaj qe ato veprojne dhe askush deri tani nuk eshte kujtuar ti kontrolloje sa respektojne rregullat.
Njoftimi i Policisë:
Specialistët për Hetimin e Krimeve të Komisariatit të Komisariatit të Policisë Elbasan arrestuan në flagrancë shtetasin K. P., 33 vjeç, banues në Elbasan, me detyrë menaxher i këndit të lojërave të qytetit të Elbasanit, si dhe shpallën në kërkim shtetasin F. L., 61 vjeç, pronar i këtij këndi lojërash, pasi dyshohet se është dëmtuar në njërën nga pajisjet e këtij biznesi, jashtë rrezikut për jetën, roja i këtij ambienti, shtetasi L. X., 44 vjeç. Nga verifikimet rezultoi gjithashtu se 44-vjeçari punonte në këtë biznes, i pasiguruar.
Vijon puna për kapjen e 61-vjeçarit.
Materialet procedurale i kaluan Prokurorisë, për veprat penale “Shkelja e rregullave të mbrojtjes në punë”, “Fshehja e të ardhurave” dhe “Mospagimi i taksave dhe tatimeve”.
