Albert Alterziu u arrestua mbrëmjen e djeshme në Elbasan, por sot ndodhet në gjendje kritike për jetën pasi rezulton pozitiv ndaj koronavirusit.
Burimet jo zyrtare kanë bërë të ditur se Alterziu ishte shpallur në kërkim nga policia për veprën penale “dhunë në familje”.
Alterziu në moshë minorene ka qenë i dënuar për një vrasje, ngjarje e cila daton në vitin 2001, kur Alterziu, në moshën 15-vjeçare, ka vrarë bashkëmoshatarin e tij Elton Shuli.
Për vrasjen ai u dënua me 10 vite burg, por bëri vetëm 7 për shkak të moshës minorene. Albert Terziu është plagosur edhe në vitin 2013 gjatë një konflikti me thika në qytetin e Elbasanit, ndërkohë qe në lagjen Partizani disa vite me parë ne nje lokal ju hodh granate dhe mbeti i plagosur rëndë.
“Më datë 15.04.2022 ora 21:00, u ndalua shtetasi në kërkim Albert Fadil Alterziu, banues në lagjen Shënkoll Elbasan, me arsim 12 klasë, sepse Gjykata e Rrethit Gjyqësor Elbasan me vendimin Nr.324 datë 06.05.2020, ka caktuar masën e sigurisë “Arrest me burg”, për veprën penale “Dhunë në familje”. Materialet u referuan në Prokurorinë pranë Gjykatës së Shkallës Parë Elbasan”
