TIRANË — Prokuroria e Posaçme Kundër Korrupsionit dhe Krimit të Organizuar (SPAK) ka finalizuar hetimet dhe ka dërguar zyrtarisht për gjykim dosjen penale ndaj ish-zëvendëskryeministres Belinda Balluku.
Lajmi është konfirmuar nga drejtuesi i SPAK, Klodian Braho, gjatë një takimi me gazetarët, ndërsa prokurori i çështjes Dritan Prenci bëri me dije se kërkesa për gjykim është dorëzuar në Gjykatën e Posaçme (GJKKO).
Sipas organit të akuzës, në dosje janë përfshirë gjithsej 25 persona fizikë dhe dy persona juridikë, ndërsa objekti i hetimeve përfshin 10 procedura të ndryshme.
Gjatë prezantimit të detajeve të dosjes, prokurori Prenci theksoi se vlera e pasurisë që lidhet me hetimet e kësaj çështjeje arrin deri në 1 milion e 800 mijë euro. Çështja tashmë ka kaluar në fazën e shqyrtimit gjyqësor në GJKKO, ku pritet të nisë procesi penal ndaj të pandohurve.
