I riu nga Librazhdi, Ledion Balla, i cili pësoi thyerje të rëndë të këmbës gjatë veprimeve të Policisë së Shtetit, ka rrëfyer ngjarjen nga Spitali Universitar i Traumës në një bisedë me bashkëpunëtorët e emisionit “Fiks Fare”.
Gjatë bisedës në dhomën e spitalit, i riu dhe nëna e tij kanë sqaruar se ai nuk ishte pjesë e protestës, por ndodhej në një lokal aty pranë.
Dialogu i plotë në dhomën e spitalit:
Fiksi: Ai që ka thyer këmbën a është më mirë?
Sanitarja: Po, po ai që ka thyer këmbën është tek 1-shi.
Kryeinfermieri i turnit 1: Si je, kë kërkon?
Fiksi: Një djalë që erdhi dje nga protesta. Ai djali që ka thyer këmbën.
Kryeinfermieri: Po.
Fiksi: A të pyes kot si është?
Kryeinfermieri: Mirë është, s’ka problem. Është në pavion.
Fiksi: N’pavion?
Kryeinfermieri: Po.
(Gazetarët hyjnë në dhomë)
Fiksi: Si jeni?
Ledion Balla: Mirë.
Fiksi: A djali që ishe dje në protestë je?
Ledion Balla: Unë .. kush jeni ju?!
Mamaja: Jo, jo s’ka qenë në protestë.
Fiksi: Jo, po pyes kot!
Ledion Balla: Identifikohu.
Fiksi: Unë jam A…
Ledion Balla: Thashë se ishe gazetare!
Fiksi: Jo, jo, jo.
Ledion Balla: S’kam qenë në protestë unë, për momentin sa kam dalë nga salla. Nuk mundem.
Fiksi: A je më mirë, unë erdha vetëm për njerëzillik në fakt, a je më mirë?
Ledion Balla: Hajd, çka ..
Fiksi: A ke dhimbje?
Ledion Balla: Pak.
Fiksi: Operim e bëre?
Ledion Balla: Po, po operim.
Fiksi: Dhimbje besoj ke shumë?
Ledion Balla: Kam një çikë.
Fiksi: Po ça të thanë ato?
Mamaja: Po hiç.
Fiksi: Të paktën aq sa kam parë dje, ti që e ke përjetuar një herë e ke … dhe ne që e kemi pa na ka ra të fikët. Inshallah qoftë me kaq. Po a kanë ardhur me të kontrolluar këto, vizita këto të shtetit?
Ledion Balla: Po, po të gjithë.
Mamaja: Të gjithë.
Fiksi: Po ça të thanë ato?
Mamaja: Po hiç.
Ledion Balla: Janë marrë masat për çdo gjë, janë marrë.
Fiksi: Janë marrë më u përgjigj për noj gjë! Do dal të blej nja dy gjëra për familjarin tim, a do ndonjë gjë?
Ledion Balla: Jo, faleminderit.
Mamaja: Nuk i lejohet tani.
Ledion Balla: Nuk më lejohet të ha!
Fiksi: As një gjë? As lëngje?
Mamaja: Do dhe 3 orë të tjera.
Ledion Balla: Zëre sikur më ke sjell, rrofsh.
Fiksi: Me thënë të drejtën si të kisha qenë duke parë vëllain tim më ka ardhur keq.
Mamaja: Rrofsh, shumë faleminderit. Kujt nuk i ka ardhur keq për të!
Fiksi: Se nuk bohet.
Mamaja: S’ke ça thu, nuk ke ça thu!
Fiksi: Ti the nuk kam dal, po edhe sikur të kishe dal …
Ledion Balla: Po nuk vritet njeriu kot!
Fiksi: Po është masakër mor, është….
Ledion Balla: Me dal në rrugë e ça …
Mamaja: Out komplet.
Fiksi: Po ti a nuk i pe me ik o vlla?
Ledion Balla: Kanë qenë, prit se ta shpjegoj. Qesh aty në lokal, nisa një herë të iki pastaj s’kisha ku shkoja se ishte rruga e bllokuar. Ndëjta dhe vetëm kur ndjeva që u përplasa diku. Fuqishëm.
Fiksi: Po a duke të tërheq e thyen këmbën, apo kishte ngec te ato kangjellat, se ashtu e pash në internet?!
Mamaja: Ku mban mend gjë, s’din gjë hiç. I ka parë mbrëmë gjith natën ai!
Ledion Balla: Leje, iku tani.
Fiksi: Po kështu a të kanë thënë noj gjë të keqe për këmbën?
Mamaja: Jo, jo, mirë. I futën hekur kshu.
Fiksi: Krejt e?!
Mamaja: Nga gjuri e deri poshtë. Nuk është mirë, po ça të bësh!
Ledion Balla: Nuk duam as një gjë, ti shumë faleminderit.
Mamaja: O Zot, asnjë mos e pastë kismet.
Fiksi: Besoj me fizioterapist do e ndjekësh më vonë?
Ledion Balla: Patjetër. Gishtat po e luaj, e ndjej.
Fiksi: E ndjen të paktën?
Ledion Balla: Po, e ndjej.
Mamaja: Nuk i është dëmtuar lëkura apo enët e gjakut.
Fiksi: Shumë shumë mirë atëherë.
Mamaja: Vetëm kocka është thyer, tjerat nuk janë. Rrofsh, të shkuara qoftë spitali se ne na pyeten për ty …
Fiksi: Faleminderit, të shkuara o vlla sa më shpejt ishalla del dhe u takofshim jashtë!
(Ndërhyn kryeinfermieri)
Kryeinfermieri: Goce ça e keni ju këtë?
Fiksi: I çova nja dy gjona me ngrënë.
Kryeinfermieri: Po herë tjetër mos ashtu…
Fiksi: Po pse o vlla?!
Kryeinfermieri: Nuk ashtu. Kështu është dhënë urdhër.
Fiksi: Po për çfarë është dhënë urdhër?
Kryeinfermieri: Ee, po jo o ti …
Fiksi: A të shqetësova, shqetësova njeri?
Kryeinfermieri: Po jo, o nuk është puna këtu, familjarët thonë nuk e kemi ashtu …
Pezullimi i efektivëve dhe reagimi i policisë
Pas publikimit të pamjeve të dhunës, Policia e Shtetit ka pezulluar nga detyra 4 punonjësit e policisë të përfshirë në ngjarje, si dhe Shefin e Krimeve në Komisariatin Nr. 1 në Tiranë.
Përpjekjet e grupit të xhirimit për të marrë një prononcim nga Drejtori i Përgjithshëm i Policisë së Shtetit, Skënder Hitaj, u penguan në terren nga efektivët e policisë, ndërsa në një komunikim telefonik ai refuzoi të japë shpjegime për rastin.
