Shpërthen në lëvizje automjeti “Benz” në Gjirokastër: Plagosen dy persona në bulevardin “18 Shtatori”
GJIROKASTËR, 10 Tetor 2026 — Një ngjarje e rëndë ka ndodhur rreth orës 22:00 në qytetin e Gjirokastrës, ku një automjet i llojit “Benz” ka shpërthyer ndërsa ishte në lëvizje e sipër përgjatë bulevardit “18 Shtatori”.
Si pasojë e shpërthimit kanë mbetur të dëmtuar dy persona, pronari i mjetit, shtetasi Beqir Devolli, si dhe pasagjeri Rigers Mela. Të plagosurit janë transportuar me urgjencë drejt spitalit rajonal, ku ndodhen nën kujdesin e mjekëve për të marrë mjekimin e nevojshëm.
Në vendngjarje kanë mbërritur menjëherë shërbimet e policisë dhe grupi hetimor, të cilët kanë rrethuar zonën dhe po vijojnë punën për sqarimin e plotë të rrethanave të ngjarjes, si dhe për përcaktimin e saktë të shkakut të shpërthimit.
Gjirokastër/Informacion paraprak
Rreth orës 22:00, në bulevardin “18 Shtatori”, dyshohet se ka shpërthyer automjeti tip “Benz”, në pronësi të shtetasit B. D., i cili ishte në lëvizje.
Si pasojë e shpërthimit, kanë mbetur të dëmtuar shtetasit B. D. dhe R. M., të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe vijon punën për sqarimin e rrethanave të rastit dhe përcaktimin e saktë të shkakut të shpërthimit
