PEQIN – Një aksident rrugor është regjistruar paraditen e së dielës në aksin nacional Peqin–Elbasan, pranë qytetit të Peqinit.
Sipas informacioneve paraprake, në përplasje janë përfshirë dy automjete, të cilat kanë pësuar dëmtime të konsiderueshme materiale.
Si pasojë e aksidentit, të paktën një person ka mbetur i lënduar dhe është transportuar në spital për të marrë ndihmë mjekësore. Deri më tani nuk janë bërë të ditura detaje mbi gjendjen e tij shëndetësore.
Në vendngjarje kanë mbërritur shërbimet e Policisë Rrugore dhe grupi hetimor, të cilët po punojnë për zbardhjen e shkaqeve dhe rrethanave të plota të aksidentit.
