Një ngjarje e rëndë është shënuar në orët e para të mëngjesit të sotëm në fshatin Lapardha, të Bashkisë Selenicë, ku një 85-vjeçar është gjetur i pajetë nga familjarët e tij.
Bëhet me dije se shkak i vdekjes së moshuarit, dyshohet se është asfiksia nga tymi, pasi banesa e 85-vjeçari është përfshirë nga një zjarr aksidental.
Ndërsa bëhet me dije se policia është vendngjarje dhe po heton shkaqet e plota të ngjarjes.
Njoftimi i policisë:
Sot, rreth orës 02:50, në fshatin Lapardha, Selenicë, është gjetur në banesë nga familjarët, i pajetë shtetasi K. A., 85 vjeç.
Nga veprimet e para hetimore dyshohet se ka humbur jetën si pasojë e asfiksisë nga tymi, i shkaktuar nga një zjarr aksidental i rënë në banesën e tij.
Vijojnë veprimet hetimore për sqarimin e plotë të rrethanave të kësaj ngjarjeje.
