DURRES – Asnjë gol në Durrës në sfidën e javës së tetë të Abissnet Superiore. Në debutimin e Glen Dajës, i cili zëvendësoi Ivan Gvozdenoviçin, verdheblutë largohen me një pikë nga transferta ndaj Teutës.
Teuta dhe Elbasani nuk kanë shkuar përtej një barazimi pa gola në përballjen e javës së tetë të Abissnet Superiore. Sfida e zhvilluar në Durrës përfundoi 0-0, me të dyja skuadrat që duhet të kënaqen me nga një pikë, në një ndeshje ku mungoi goli që mund të ndryshonte fatin e takimit.
Vëmendja ishte e përqendruar edhe te stoli i Elbasanit, ku Glen Daja drejtoi për herë të parë skuadrën pas largimit të Ivan Gvozdenoviçit. Djali i Ilir Dajës e nisi kështu aventurën e tij me verdheblutë me një rezultat që e mban skuadrën në lojë për objektivat e sezonit, edhe pse pa arritur të marrë fitoren.
Nga ana tjetër, Teuta nuk arriti të shfrytëzonte faktorin fushë për të siguruar tri pikët. Pas 90 minutave, rrjetat mbetën të paprekura dhe rezultati 0-0 u bë përfundimtar.
Një pikë për secilën skuadër në Durrës, ndërsa për Glen Dajën ky barazim shënon fillimin e një etape të re në drejtimin e Elbasanit.
