Janë rindezur sërish tensionet dhe situata ka dalë jashtë kontrollit përpara Parlamentit, aty ku qytetarët kishin bllokuar daljen kryesore duke u ulur në rrugë.
Pasi protestuesit bënë rezistencë dhe refuzuan të hapnin rrugën për deputetët dhe ministrat e ngujuar brenda, Policia e Shtetit ka ndërhyrë me forcë.
Autobotët e ujit janë futur në funksion, duke hedhur ujë me presion mbi turmën e qytetarëve për t’i shpërndarë dhe për të thyer rrethimin.
Gjatë përplasjes dhe kaosit të krijuar nga uji me presion, forcat e rendit kanë ndërhyrë me shpejtësi duke shoqëruar një tjetër protestues.
