Elbasan, 30 gusht 2025 – Një operacion policor i koduar “Reaction” ka përfunduar me sukses, duke sjellë në pranga një 36-vjeçar i dyshuar për dhunë ndaj bashkëshortes së tij dhe mbajtje të paligjshme të lëndëve narkotike.
Policia e Elbasanit, në bashkëpunim me Specialistët për Hetimin e Narkotikëve, ndërmori veprime pas marrjes së informacionit se i dyshuari kishte ushtruar dhunë psikologjike ndaj bashkëshortes dhe mbante drogë në banesë. Operacioni u finalizua me arrestimin në flagrancë të shtetasit M. E., banues në Elbasan.
Gjatë kontrollit në banesën e tij, shërbimet e Policisë gjetën dhe sekuestruan si prova materiale:
një sasi të dyshuar kokaine,
dy thika,
një përforcues grushti,
një armë sportive.
Materialet procedurale janë referuar Prokurorisë pranë Gjykatës së Shkallës së Parë Elbasan për veprime të mëtejshme ligjore.
