Truku gjerman që po bën bujë: Si ta freskoni shtëpinë me vetëm një shishe uji!
Nga OraNews
Përditësimi i fundit 24 Qershor 2026, 12:41
Truku gjerman që po bën bujë: Si ta freskoni shtëpinë
Temperaturat e larta të verës mund ta kthejnë shtëpinë në një ambient të padurueshëm, veçanërisht në banesat që nuk kanë ajër të kondicionuar apo ventilator. Megjithatë, një metodë e thjeshtë dhe pa kosto, e përdorur gjerësisht në Gjermani, premton të sjellë freski natyrale në ditët përvëluese.
Për këtë truk nevojitet vetëm një shishe plastike prej 1.5 litrash, ujë dhe një frigorifer. Mjafton ta mbushni shishen me ujë, duke lënë rreth 20 për qind hapësirë bosh për të shmangur dëmtimin gjatë ngrirjes. Pasi të qëndrojë gjatë natës në frigorifer, shishja e ngrirë vendoset në një pozicion më të lartë në dhomë, ndërsa poshtë saj rekomandohet të vendoset një enë për të mbledhur ujin e kondensuar.
Sipas ekspertëve, ndërsa akulli shkrihet, ai thith nxehtësinë nga ambienti përreth, duke krijuar një efekt freskues. Ajri i ftohtë, që është më i dendur se ai i ngrohtë, zbret drejt dyshemesë dhe ndihmon në uljen e temperaturës së dhomës.
Testet kanë treguar se kjo metodë mund të ulë temperaturën me një deri në tre gradë Celsius për disa orë, në varësi të madhësisë së ambientit dhe temperaturës fillestare.
Ekspertët sugjerojnë gjithashtu kombinimin e kësaj metode me mbylljen e perdeve gjatë orëve më të nxehta të ditës, ajrosjen e shtëpisë gjatë mbrëmjes dhe përdorimin e bimëve apo peshqirëve të lagur për të rritur efektin freskues.
Kjo zgjidhje e thjeshtë po fiton gjithnjë e më shumë popullaritet si një alternativë ekonomike për të përballuar vapën e verës dhe për të reduktuar konsumin e energjisë elektrike.
