Ka ndërruar jetë në spitalin e Traumës 37-vjecari Maridon Dhuli, i cili pësoi djegie të rëndë mbrëmjen e djeshme, pasi mjeti me të cilin udhëtonte mori flakë në aksin Kardhiq – Delvinë.
Ngjarja ndodhi në afërsi të Skërficës, ku mjeti tip “Volkswagen” Touran mori zjarr në rrethana të paqarta.
Kalimtarë dhanë ndihmën e parë dhe 37-vjeçari u transportua me ambulancë në spitalin e Sarandës e më pas në atë të Traumës në Tiranë por pa mundur të mbijetojë.
