VLORË — Një 17-vjeçar nga Orikumi është arrestuar në flagrancë nga Policia e Vlorës pasi akuzohet për shitje të lëndëve narkotike në afërsi të shkollave, ndërsa një bashkëmoshatar i tij nga Dukati është proceduar në gjendje të lirë.
Operacioni i koduar “Shkolla të pastra” u finalizua nga Specialistët e Seksionit për Hetimin e Narkotikëve pas informacioneve të siguruara në rrugë operative. Dy të rinjtë u bllokuan në lagjen “Pavarësia” teksa qarkullonin me një automjet që drejtohej pa leje drejtimi nga 17-vjeçari i arrestuar.
Gjatë kontrollit fizik dhe të mjetit, shërbimet e policisë gjetën dhe sekuestruan në cilësinë e provës materiale dhjetëra doza të dyshuara kokaine dhe kanabisi, së bashku me automjetin dhe tre aparate celulare. Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme hetimore.
