ITALI- Një ngjare e rëndë ka ndodhur në Itali, ku një shqiptar është aksidentuar në vendin e punës dhe ka humbur jetën. Mediat italiane shkruajnë se ngjarja ndodhi në Castelfiorentino të Empolit, ndërsa shqiptari u godit nga mikseri i betonierës.
Menjëherë pas kësaj ai u dërgua në spitalin e Firences, por për shkak të plagëve të marra nuk arriti të mbijetonte. Ende nuk është bërë i ditur emri dhe mosha e viktimës, ndërsa autoritetet italiane po hetojnë më shumë mbi rastin.
“Kur ndodhi aksidenti, burri po punonte në Via di Mellicciano në Castelfiorentino. Një ekip zjarrfikësish dhe oficerësh të mjekësisë së punës gjithashtu iu përgjigjën vendit të ngjarjes. Pasi u intubua në vend nga 118 ndihmës të emergjencës, burri i plagosur u transportua nga Pegaso në spitalin CTO Careggi, ku mbërriti me lëndime të shumta dhe një kod të kuq, por fatkeqësisht nuk mbijetoi”, informojnë mediat italiane
