Si pasojë, flakët kanë përfshirë sipërfaqe me ullinj, shkurre, bimësi dhe parcela bujqësore. Ndërkohë në terren janë angazhuar forcat e Shërbimit Zjarrfikës të Bashkisë Belsh, strukturat e Emergjencave Civile, punonjës të bashkisë dhe ekipe të tjera ndihmëse.
30 Korrik 2026, 16:34
Nga E. D
Bie zjarr masiv në Belsh, flakët përhapen mes Seferanit dhe
BELSH- Një vatër zjarri ka përfshirë territorin e bashkisë së Belshit, duke alarmuar banorët dhe autoritetet vendore. Konkretisht zjarri ka rënë rreth orës 16:00 në zonën mes fshatrave Seferan dhe Merhojë, ku flakët janë përhapur edhe nga temperaturat e larta dhe era e fortë.
Si pasojë, flakët kanë përfshirë sipërfaqe me ullinj, shkurre, bimësi dhe parcela bujqësore. Ndërkohë në terren janë angazhuar forcat e Shërbimit Zjarrfikës të Bashkisë Belsh, strukturat e Emergjencave Civile, punonjës të bashkisë dhe ekipe të tjera ndihmëse.
Puna e zjarrfikësve po vështirësohet gjithashtu nga temperaturat e larta dhe era e fortë, e cila ndryshon vazhdimisht drejtimin e flakëve. Deri më tani nuk raportohet për persona të lënduar, ndërsa prioritet i autoriteteve mbetet mbrojtja e banorëve dhe pronave të tyre, si dhe vënia nën kontroll e situatës.
Shkaqet e zjarrit nuk janë përcaktuar ende, por pas shuarjes së plotë të flakëve, grupet hetimore pritet të kryejnë verifikimet në terren për të zbardhur rrethanat e plota të ngjarjes.
