BRUKSEL- Këshilli i Evropës ka vlerësuar se si paraqitet industria e medias në Shqipëri. Në një deklaratë të publikuar së fundmi në faqen zyrtare të Këshillit të Europës, theksohet se Shqipëria duhet të forcojnë lirinë e medias dhe shprehjes së lirë. Këshilli vlerëson miratimin e legjislacionit mbi të drejtat e personave, që u përkasin pakicave kombëtare në fushat e vetëidentifikimit dhe përdorimit të gjuhëve të pakicave.
Por, kujton se vendi duhet të forcuar pluralizmin dhe pavarësinë e medias. Kjo duke përfshirë sigurimin e dekriminalizimit të plotë të shpifjes, rritjen e transparencës së pronësisë dhe financimit të medias si dhe sigurimin e një mjedisi të sigurt për gazetarët.
Këshilli nënvizon rëndësinë e promovimit të të drejtave të fëmijës, si dhe efektivitetin e zbatimit të legjislacionit dytësor mbi pakicat, zbatimin e një reforme gjithëpërfshirëse të sektorit të tokës dhe konsolidimin e të drejtave të pronësisë. Në fund, evidentohet se edhe roli i shoqërisë cilivle duhet të forcohet më tej.
E PLOTË:
Këshilli mirëpret progresin e bërë, përfshirë miratimin e legjislacionit mbi të drejtat e personave që u përkasin pakicave kombëtare në fushat e vetëidentifikimit dhe përdorimit të gjuhëve të pakicave, mbi mbrojtjen e të dhënave personale dhe mbi barazinë gjinore. Ai kujton rëndësinë që Shqipëria të vazhdojë të forcojë mbrojtjen e të drejtave themelore. Liria e medias dhe liria e shprehjes duhet të forcohen. Shqipëria duhet të shtojë më tej përpjekjet e saj për të forcuar pluralizmin dhe pavarësinë e medias, duke përfshirë sigurimin e dekriminalizimit të plotë të shpifjes, rritjen e transparencës së pronësisë dhe financimit të medias dhe sigurimin e një mjedisi të sigurt për gazetarët.
Këshilli nënvizon rëndësinë e promovimit të të drejtave të fëmijës, si dhe efektivitetin e zbatimit të legjislacionit dytësor mbi pakicat, zbatimin e një reforme gjithëpërfshirëse të sektorit të tokës dhe konsolidimin e të drejtave të pronësisë në një mënyrë transparente dhe të besueshme në përputhje me Qëndrimin e Përbashkët të BE-së për Grupin 1. Roli i shoqërisë civile gjithashtu duhet të forcohet më tej dhe konsultimet kuptimplote të përforcohen
