Më datë 23.07.2025, rreth orës 22:00, në aksin rrugor Shkodër–Lezhë, në afërsi të fshatit Dajç, ka ndodhur një aksident tragjik, ku janë përfshirë një automjet dhe një mjet trajler. Si pasojë e këtij aksidenti:
Refije Çico, rreth 56 vjeç, ka humbur jetën në vendngjarje.
Luan Alush Çico, rreth 60 vjeç, ka ndërruar jetë më pas në Spitalin e Traumës nga plagët e marra.
Po ashtu, nga aksidenti janë plagosur rëndë:
Alketa Luan Çico, 35 vjeçe, dhe fëmija i saj 3 vjeçar, të cilët janë transportuar menjëherë në Spitalin e Traumës.
Klevis Suçi, drejtuesi i automjetit, është në gjendje kome dhe është transportuar gjithashtu për ndihmë mjekësore.
Drejtuesi i trajlerit, Sokol Ibrahimi, banues në Serbi, është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe po punon intensivisht për zbardhjen e plotë të shkaqeve dhe rrethanave të aksidentit.
