Në mbledhjen me kryebashkiakët e vendit në Durrës, Rama u shpreh se tanimë ka dalë në pah dobësia e pushtetit vendor. Në fjalën e tij kritika kryeministri adresoi ndaj kryebashkiakut të Vlorës, ndërsa u shpreh se duke nisur nga kryetari e të tjerë me radhë i kanë sytë gjysmë hapur dhe gjysmë mbyllur.
“Do bëj një adresim të përgjithshëm i disa problematikave kyçe që fatkeqësisht kanë sot qytetet e mëdha me ngarkesë të posaçme të fluksit turistik të Shqipërisë.
Dobësia e pushtetit vendor ka dalë në pah edhe si rezultat i një ndryshimi shumë të madh të gjithë mënyrës së funksionimit të vendit për shkak se vendi tani më nuk mban vetëm banorët e vet.por mban edhe një ngarkesë ekstra turistësh që sjell sfida të reja të komplikuara dhe ngarkesa të mëdha ekstra për pushtetin vendor.
Një nga gjërat që vihet re është nxitja e brendshme e biznesit për të kapërcyer kufijtë në formën e zaptimeve të terrritorit, deri ndërtimeve pa leje në territore ku vëmendja është më e vogël apo si në Vlorë ku kreu bashkisë I kanë sytë gjysmë hapur dhe gjysmë mbyllur.” u shpreh Rama.
