Tiranë / Elbasan, 14 Qershor 2025 – Një nga personat më të kërkuar për krime të rënda është ndaluar nga Policia e Elbasanit, pas një urdhri të lëshuar nga Prokuroria më 13 qershor 2025. Bëhet fjalë për Astrit Sinanaj, 49 vjeç, banues në Tiranë, i cili ishte dënuar me 22 vite burg, nga të cilat i kanë mbetur për të vuajtur edhe 13 vite.
Sinanaj ishte dënuar për disa vepra të rënda penale, përfshirë:
“Vrasje me dashje, kryer në mënyrë shumë të rrezikshme për jetën e shumë personave”, e mbetur në tentativë,
“Mbajtje pa leje e armëve dhe municioneve”,
“Shkatërrim prone me eksploziv”,
si dhe “Largim i të burgosurit nga vendi i qëndrimit”.
Vendimi i Gjykatës së Shkallës së Parë të Juridiksionit të Përgjithshëm Elbasan është lënë në fuqi nga Gjykata e Apelit në Tiranë.
Aktualisht, materialet procedurale i janë referuar Prokurorisë së Elbasanit për veprime të mëtejshme ligjore.
