Një aksident është regjistruar pak minuta më parë në aksin rrugor Fier–Levan, ku një furgon pasagjerësh është përmbysur.
Sipas burimeve paraprake nga Policia, në automjet ndodhej vetëm drejtuesi i tij, i cili dyshohet se ka humbur kontrollin për shkak të lagështirës në rrugë. Ai është transportuar menjëherë në Spitalin Rajonal Fier për të marrë ndihmën mjekësore.
Shërbimet e Policisë ndodhen në vendngjarje për të kryer veprimet procedurale dhe për të normalizuar trafikun në këtë segment rrugor.
