TIRANË – Chris LaCivita udhëheqësi i fushatës zgjedhore të Donald Trump, i cili do të jetë edhe udhëheqësi i Berishës në zgjedhjet e 11 Majit është shprehur optimist për fitoren e opozitës.
Në një intervistë për “Çim Peka Live”, i pyetur se a kishte menduar që mund të dështojë përballë komunistëve dhe socialistëve në një vend të vogël si Shqipëria, LaCivita tha se ashtu siç ndihmoi në mposhtjen e tyre në SHBA, do t’i mposhte edhe në Shqipëri.
Pjesë nga intervista:
Pyetje: Nuk ka mundësi t’i vjedhë zgjedhjet. Zoti Berisha mund t’i fitojë dhe do të fitojë. Kur pranuat këtë bashkëpunim, a menduat se nga fitorja më e vështirë në historinë e Shteteve të Bashkuara të Amerikës, me një përballje të tillë, të vini në një vend të vogël si Shqipëria dhe të humbisni përballë një ish-komunisti apo përballë një partie të majtë?
LaCivita: Unë sapo i ndihmova në mposhtjen e komunistëve dhe socialistëve në Amerikë. Kështu që është më se e logjikshme se ne duhet të vinim në Shqipëri dhe këtu të mposhtnim socialistët dhe komunistët. Njerëzit nuk na kërkojnë ndihmë sepse ne kemi rekord humbjesh, përkundrazi, kemi rekorde fitoresh. Kemi besim se populli shqiptar do të zgjedhë opozitën sepse populli kërkon të shikojë një të ardhme për fëmijët e vet në Shqipëri dhe jo në Greqi.
