TIRANË — Drejtoria e Përgjithshme e Burgjeve ka urdhëruar transferimin e Ergys Agasit nga institucioni i vuajtjes së dënimit në Bradashesh në një tjetër siguri, për arsye që lidhen me masat e mbrojtjes dhe sigurisë.
Sipas informacioneve zyrtare, institucioni ku do të mbahet Agasi është IEVP e Fierit, ndërkohë që autoritetet nuk kanë dhënë ende detaje shtesë mbi arsyet e lëvizjes nga burgu i Bradasheshit ku ndodhej që prej fundit të muajit gusht.
Ergys Agasi akuzohet për tetë vepra penale të rënda, përfshirë korrupsionin pasiv, pastrimin e produkteve të veprës penale, shkeljen e barazisë së pjesëmarrësve në tendera publikë, si dhe abuzime të mundshme me fondet e Agjencisë Kombëtare të Shoqërisë së Informacionit (AKSHI).
Ky transferim vjen menjëherë pas lëvizjes së ndërmarrënjë ditë më parë nga Drejtoria e Burgjeve për transferimin e Erion Veliajt nga paraburgimi i Durrësit po drejt burgut të Fierit.
