Rrëshen, 15 qershor 2026 – Një aksident i rëndë është regjistruar në aksin rrugor Rrëshen–Reps, në Rrugën e Kombit, ku një shtetas nga Kosova ka mbetur i plagosur rëndë pasi është përplasur nga një automjet.
Sipas informacioneve paraprake, shtetasi i identifikuar si Kujtim Aliu kishte zbritur nga një autobus dhe ka tentuar të kalojë në anën tjetër të autostradës. Në ato momente ai është goditur nga një automjet tip fuoristradë që po qarkullonte në këtë segment rrugor.
Si pasojë e përplasjes, Aliu ka pësuar dëmtime të rënda trupore. Shërbimet e emergjencës kanë ndërhyrë menjëherë në vendngjarje dhe e kanë transportuar fillimisht për ndihmë mjekësore, ndërsa më pas është nisur në gjendje të rëndë drejt Spitalit Universitar të Traumës në Tiranë për trajtim të specializuar.
Policia ka mbërritur në vendin e ngjarjes dhe po kryen veprimet procedurale për të sqaruar rrethanat e aksidentit. Hetimet janë në vijim.
