Një person është gjetur pa shenja jete në qytetin e Vlorës.
Sipas raportimeve, viktima që dyshohet se i përket moshës 35-40 vjeç është gjetur në një lulishte afër shkollës Industriale në Vlorë.
Personi i pajetë është gjetur nga kalimtarët të cilët kanë njoftuar policinë dhe ambulancën. Gjatë kontrollit në trup nuk janë dalluar shenja dhune apo diçka e tillë, pasi në momentin e parë dyshohej se ishte vrarë.
Policia ka nisur hetimet për ngjarjen dhe po merr në pyetje dhe banorë, ndërkohë mjekët janë shprehur se personi vuante nga epilepsia.
