Një lëkundje e fortë tërmeti u ndje në të gjithë jugun e Italisë në orët e vona të së hënës.
Tërmeti, me magnitudë 6.2, u lokalizua nga Qendra Sizmike e INGV-së në Romë në zonën e Bregdetit Veriperëndimor të Kalabrisë (Kosenzë), në orën 00:12:35 me orën italiane, në një thellësi prej 250 kilometrash.
Epiqendra u lokalizua 41 kilometra në perëndim të Kosenzës. Sipas informacioneve të para, nuk janë regjistruar dëme në njerëz apo në pasuri. Intensiteti i tërmetit ishte i tillë që u ndje në të gjithë jugun e Italisë, deri në Palermo.
