TIRANA — Policia e Shtetit ka publikuar detajet e para zyrtare lidhur me ngjarjen e regjistruar mbrëmjen e sotme në zonën e Laprakës, ku mbetën të plagosur me armë zjarri dy persona.
Sipas njoftimit zyrtar, ngjarja ka ndodhur rreth orës 21:20, kohë kur dy të plagosurit, shtetasit B. D., rreth 39 vjeç, dhe D. T., rreth 35 vjeç, janë paraqitur për të marrë ndihmë mjekësore në spital. Aktualisht, ata ndodhen nën kujdesin e mjekëve dhe jashtë rrezikut për jetën.
Të dhënat paraprake sugjerojnë se vendi i ngjarjes dyshohet të jetë zona e njohur si “Fusha” në Laprakë. Shërbimet e Policisë kanë rrethuar zonën dhe po kryejnë veprimet e para hetimore për sqarimin e plotë të rrethanave, si dhe për identifikimin dhe kapjen e autorit ose autorëve të përfshirë në këtë ngjarje.
Tiranë/Informacion paraprak
Më datë 08.09.2026, rreth orës 21:20, janë paraqitur në spital, të dyshuar të plagosur me armë zjarri shtetasit B. D., rreth 39 vjeç, dhe D. T., rreth 35 vjeç, jashtë rrezikut për jetën .
Nga informacionet paraprake, dyshohet se ngjarja ka ndodhur në zonën e “Fushës”, në Laprakë.
Shërbimet e Policisë, pas marrjes së njoftimit, kanë shkuar menjëherë në vendngjarje dhe po kryejnë veprimet e nevojshme hetimore për sqarimin e rrethanave të ngjarjes, identifikimin dhe kapjen e autorit/autorëve
