Zbardhen detaje tronditëse lidhur me vrasjen e Bardhe Zicit në Shkodër.
Policia ka sekuestruar kamerat e sigurisë së banesës së çiftit Shtjefën e Bardhe Zici, prindër të dy fëmijëve, ku shfaqet autori i dyshuar 62-vjeçar, teksa qetësisht shkon, merr armën e gjahut dhe më pas afrohet qetësisht te dera kryesore e oborrit.
Aty hap derën dhe shikon me kujdes nëse po kalojnë njerëz, më pas hyn në banesë dhe qëllon për vdekje gruan 55-vjeçare.
Pas krimit tronditës, Shtjefën Zici as nuk tenton të largohet, por gjakftohtë pret prangat e policisë.
Nga hetimet e para rezulton se ai e qëlloi për vdekje gruan për motive xhelozie.
Paraprakisht thuhet se gruas i ra telefoni, por ende nuk dihet nëse e telefonuan fëmijët, djali nga Kanadaja ose vajza, apo të afërm të tjerë. Kjo nuk është pritur mirë nga 62-vjeçari, i cili e qëlloi për vdekje krejt gjakftohtë.
Krimi i rëndë ndodhi pasditen e djeshme në banesën e familjes Zici në Unazën Lindore të qytetit të Shkodrës.
Ndaj Zicit është ngritur akuza “vrasje për shkak të marrëdhënieve familjare” dhe ai rrezikon dënimin me burgim të përjetshëm
