Hong Kong, 26 nëntor 2025 – Bilanci i një prej zjarreve më të rëndë të viteve të fundit në Hong Kong është thelluar ndjeshëm. Autoritetet konfirmuan se numri i viktimave ka arritur në 36, ndërsa 279 persona rezultojnë ende të zhdukur pas përfshirjes së një kompleksi banimi nga flakët. Po ashtu, 29 persona janë plagosur, prej të cilëve shtatë ndodhen në gjendje kritike.
Numri i mëparshëm i raportuar i viktimave ishte 13, por situata ka ndryshuar me shpejtësi teksa ekipet e kërkim-shpëtimit vazhdojnë punën në kushte ekstreme.
OPERCION MASIV I EMERGJENCËS
Zjarri vijon të përfshijë skelat prej bambuje që rrethonin ndërtesat, ndërsa pamjet dramatike nga vendngjarja janë shpërndarë gjerësisht në rrjetet sociale dhe mediat lokale. Forcat e emergjencës janë angazhuar në përmasa të jashtëzakonshme:
– 128 automjete zjarrfikëse
– 57 ambulanca
– 767 zjarrfikës
– 400 oficerë policie
Më shumë se 700 persona janë strehuar në pesë qendra emergjence të hapura në zonën Tai Po.
SI NISI TRAGJEDIA?
Zjarri shpërtheu të mërkurën pasdite, duke gjeneruar një shtyllë të madhe tymi të zi që u ngrit mbi qytet. Fillimisht, flakët përfshinë katër ndërtesa banimi, por përhapja ishte e shpejtë dhe e pakontrollueshme në të gjithë kompleksin.
Shkaku i zjarrit mbetet i paqartë, ndërsa policia raportoi dhjetëra thirrje për persona të bllokuar brenda apartamenteve. Dy persona – një burrë dhe një grua – u gjetën pa ndjenja me djegie të rënda.
Pamjet nga terreni tregojnë flakë që përpijnë skelat prej bambuje dhe strukturat mbrojtëse të jashtme të apartamenteve, ndërsa pjesë të rrjetës së gjelbër mbrojtëse janë shembur dhe janë djegur plotësisht.
UPDATE: The Fire Services Department raised the alert for the deadly Tai Po blaze to a No. 5 alarm – the highest – at 6:22pm. As of 6pm, five people are dead, three are in a critical condition, one in a serious condition and one in a stable condition. Full updates:… pic.twitter.com/bafLo0rp0f
— Hong Kong Free Press HKFP (@hkfp) November 26, 2025
