PUKË- Julian Cumraku dhe Erzen (Hamza) Uka, të cilët u dorëzuan forcave RENEA mbrëmjen e së hënës pas 12 orësh negociata në fshatin Orosh të Fushë-Arrëzit, kanë pranuar deklaratat e tyre para grupit hetimor.
“Ju jeni shejtani. Ne jemi me të drejtën” janë të vetmet fjalë që kanë thënë ata para grupit hetimor.
Dy personat dyshohet se qëndronin të fshehur në banesë për rreth dy muaj. Gjatë kontrollit në objektin e braktisur, policia sekuestroi 4 armë automatike, një pistoletë, 17 granata dore difensive, municion luftarak, kapsolla detonatore dhe fitil zjarrpërcjellës, si dhe një flamur të ISIS-it të vendosur në mur mes armëve.
Mbi dy të arrestuarit rëndojnë akuza të rënda, përfshirë “propaganda terroriste”, “prodhim armësh luftarake”, “kundërshtim të punonjësit të policisë” dhe “mbajtje të armëve dhe municionit luftarak pa leje”.
