Protesta e dytë e opozitës para Kryeministrisë ka nisur. PD e ka cilësuar tubimin ‘Foltore 2’, pasi atyre nuk po iu jepet mundësia të thonë fjalën e tyre në Kuvend. Lidhur me tubimin që Partia Demokratike që do të mbajë nga ora 18:00 deri në 20:00 para Kryeministrisë, Policia e Tiranës ka marrë masat në zbatim të ligjit “Për tubimet”, me qëllim garantimin e rendit dhe mbarëvajtjes së aktivitetit.
Mes të tjerash instalacioni i veçantë që ra në sy ishte “Rama” dhe “Balluku” që janë shfaqur në protestën e Partisë Demokratike duke shijuar një shishe verë të ulur në tavolinë bashkë.
Ky është instilacioni i protestuesve që ironizon kryeministrin Edi Rama dhe zëvendësen e tij, Belinda Balluku, kjo e fundit nën hetim nga SPAK, e pezulluar nga detyrat shtetërore dhe e ndaluar të dalë jashtë vendit.
Opozita ka akuzuar vazhdimisht se Balluku nuk ka vepruar e vetme, por sipas tyre, edhe Rama është po aq përgjegjës.
