Një aksident i rëndë është regjistruar në aksin e rrugës kombëtare Elbasan-Ish Kombinati Metalurgjik.
Në aksident janë përfshirë tri automjete të cilat pas përplasjes mes tyre janë shkatërruar pjesërisht.
Një person ka mbetur i plagosur në gjendje të rëndë dhe të paktën dy të tjerë kanë pësuar lëndime të lehta.
Paraprakisht nuk janë të qarta rrethanat e aksidentit. Në vendngjarje ndodhet policia dhe shërbimi zjarrfikës.
