LEZHË- Një aksident i trefishtë ka ndodhur mëngjesin e kësaj të premteje në superstradën Lezhë-Milot, pranë kryqëzimit të Rrilës. Mësohet se në aksident janë përfshirë tre makina, mes tyre një mjet transporti nxënësish.
Si pasojë e aksidentit ka vetëm dëme materiale dhe nuk ka asnjë nxënës të lënduar. Bëhet me dije se nxënësit kanë vijuar më pas rrugën me mjete të tjera.
Ende nuk dihet shkaku i aksidentit, teksa policia në vendngjarje po kryen hetimet për zbardhjen e rrethanave.
