SHBA- Jensen Huang, themeluesi dhe ish-drejtuesi i Nvidia-s, kaloi ditë të vështira përpara largimit nga kompania që ndërtoi për më shumë se tri dekada. Skandali për lidhjet e tij jashtëmartesore dhe dyshimet për marrëdhëniet me një grua të akuzuar për spiunazh për Kinën duket se e kanë rënduar ndjeshëm gjendjen e tij emocionale. Sipas personave që kanë qenë në kontakt me të gjatë ditëve të fundit, Huang kishte ndryshuar dukshëm sjellje. Dikur i njohur për energjinë dhe përkushtimin ndaj çdo detaji të kompanisë, ai shfaqej i lodhur, i tërhequr dhe pa interes për përgjegjësitë që kishte mbajtur për 33 vjet.
Sipas raportimeve nga mediat e huaja, në biseda me njerëz të afërt, ai dyshohet se kishte përdorur shprehje si “çfarëdo që të ndodhë” dhe “nuk më intereson më”. Madje, sipas raportimeve, kishte shkuar deri aty sa ta përshkruante veten me fjalët “Jam një kopil”. Kriza u thellua pasi Huang pranoi lidhjen jashtëmartesore me Alice Huang, një grua që dyshohet për lidhje me spiunazhin kinez. Fillimisht ai kishte mohuar tradhtinë, por më vonë u përball me drejtuesit ligjorë të kompanisë dhe pranoi marrëdhënien, duke i kërkuar falje familjes së tij.
Situata u rëndua edhe më tej pas publikimit të pretendimeve për një tjetër lidhje jashtëmartesore me Kimberly Powell, një drejtuese të Nvidia-s. Pas një mbledhjeje maratonë të bordit drejtues, Huang u largua nga të gjitha pozicionet e tij në kompani. Përkohësisht, drejtimin e Nvidia-s e mori drejtoresha financiare Colette Kress. Ndërkohë, shqetësimet nuk lidhen vetëm me jetën e tij private. Huang pritet të përballet edhe me pyetje në Kongresin amerikan lidhur me marrëdhëniet e tij me Alice Huang dhe rreziqet e mundshme për sigurinë e teknologjisë amerikane.
Pavarësisht largimit, ish-drejtuesi i Nvidia-s mbetet në qendër të vëmendjes. Sipas personave që kanë folur me të, shqetësimi i tij kryesor tani është familja, veçanërisht bashkëshortja, ndërsa thuhet se dëshiron të shmangë dëmtimin e mëtejshëm të jetës së grave me të cilat është lidhur emri i tij. Pas më shumë se tri dekadash në krye të një prej kompanive më të rëndësishme të teknologjisë në botë, Huang po përballet me një nga periudhat më të vështira të jetës së tij.
