FIER — Policia e Fierit ka finalizuar operacionin e koduar “Këmbimi”, duke vënë në pranga një 34-vjeçar dhe duke shpallur në kërkim bashkëpunëtorin e tij 37-vjeçar, të dy me precedentë të mëparshëm penalë, pas kanosjes së një të riu rezident në Itali për t’i marrë një borxh të pretenduar.
Sipas njoftimit zyrtar, hetimet nisën menjëherë pas kallëzimit të bërë nga një 28-vjeçar, i cili deklaroi se po kanosej nga dy personat për dorëzimin e një shume parash. Under trysninë e kanosjes, i dëmtuari kishte udhëzuar vëllanë e tij që t’i dorëzonte 34-vjeçarit dy automjete në qytetin e Lushnjës, në këmbim të detyrimit financiar.
Specialistët e Sektorit për Hetimin e Krimeve të Rënda kapën në flagrancë 34-vjeçarin me iniciale F. S. (H.), banues në Vlorë, në momentin e marrjes së automjeteve. Gjatë kontrollit fizik, efektivët i sekuestruan atij edhe një armë neuroparalizuese që e mbante me vete.
Ndërkohë, policia ka shpallur në kërkim bashkëpunëtorin e tij, 37-vjeçarin R. M. (F.), po ashtu banues në Vlorë, dhe po vijon punën për lokalizimin e tij, si dhe për dokumentimin e plotë ligjor të rrethanave të ngjarjes. Materialet procedurale i kaluan Prokurorisë për veprime të mëtejshme.
Fier/Finalizohet operacioni i koduar “Këmbimi”.
Kanosën një shtetas (rezident në Itali), për t’iu kthyer borxhin, arrestohet 34-vjeçari dhe shpallet në kërkim bashkëpunëtori i tij, të dy me precedentë të mëparshëm penal.
34-vjeçari, i cili u kap në flagrancë duke marrë 2 automjete në këmbim të borxhit, kishte me vete armë neuroparalizuese. Sekuestrohen 2 automjetet dhe pistoleta neuroparalizuese.
Specialistët e Sektorit për Hetimin e Krimeve të Rënda, si rezultat i administrimit të menjëhershëm të kallëzimit të një 28-vjeçari, se ishte kanosur nga 2 shtetas, për dhënien e një shume parash, finalizuan operacionin e koduar “Këmbimi”, në kuadër të të cilit, u vu në pranga shtetasi F. S.(H.), 34 vjeç dhe u shpall në kërkim shtetasi R. M.(F.), 37 vjeç, të dy banues në Vlorë.
Nga veprimet hetimore dyshohet se këta shtetas kanë kanosur 28-vjeçarin që t’iu jepte shumën e parave që pretendonin se iu kishte borxh. Në këmbim, 28-vjeçari ka udhëzuar vëllanë e tij, për t’i dhënë në Lushnjë, 34-vjeçarit, 2 automjete.
Punohet për lokalizimin dhe kapjen e 37-vjeçarit, si dhe për sqarimin dhe dokumentimin e rrethanave të rastit.
Materialet procedurale iu referuan Prokurorisë, për veprime të mëtejshme.
