“Nëse tim shoqi i ndodh gjë, ai student që e ka bërë do t’i shuhet e gjithë familja”, kjo ka qenë deklarata e rëndë që ka bërë bashkëshortja e një efektivi policie i cili po merr trajtim mjekësor në Spitalin e Traumës pasi u plagos nga protestuesit.
“Çfarë keni me Policinë? A e keni me Ramën? A e keni me Partinë Demokratike?”-shprehet ajo në video.
Më tej bashkëshortja e efektivit të policisë i bëri thirrje protestuesve që të mos sulmojnë policinë pasi sipas saj, ata nuk meritojnë të bëhen shënjestër e përplasjeve politike.
“Çfarë faji kanë policat. Çfarë faji kanë fëmijët e mi që të rriten jetim?”-dëgjohet të thotë bashkëshortja e efektivit të policisë.
Një deklaratë në dukje emotive, por që dukshmërisht nxit “vëllavrasje” në këtë situatë kaotike që po kalon vendi ynë.
