Në një analizë të detajuar mbi zhvillimet gjeopolitike, Luan Rama analizon qasjen strategjike të Kinës për ndërtimin e një sistemi ndërkombëtar shumëpolar përmes platformave si Organizata e Bashkëpunimit të Shangait (OBSh) dhe blloku BRICS.
Sipas analizës, Kina nuk duhet parë thjesht si një fuqi që sfidon Shtetet e Bashkuara në mënyrë direkte, por si një aktor që po ritrazon arkitekturën globale të fuqisë. Përmes zgjerimit të BRICS-it – që tashmë përfshin 11 anëtarë dhe dhjetë vende partnere – dhe nismave ekonomike si “Një brez, një rrugë”, Pekini po krijon një ekosistem marrëdhëniesh tregtare, financiare dhe infrastrukturore që ul varësinë globale nga një qendër e vetme fuqie.
Analiza vë në dukje se ndërsa SHBA-ja dhe fuqi të tjera perëndimore janë angazhuar në shpenzime dhe konflikte të mëdha ushtarake apo përballje rajonale, Kina ka shfrytëzuar këtë hapësirë për të investuar në ndërtimin e rrjeteve afatgjata të ndikimit. Në këtë kuadër, multipolariteti për Pekinin përbënde një objektiv politik të institucionalizuar, me qëllim reformimin e qeverisjes globale dhe rishpërndarjen e peshës brenda institucioneve ndërkombëtare.
