Tiranë, 12 qershor 2026 – Protesta e zhvilluar në kryeqytet ka vijuar edhe këtë mbrëmje, ku pjesëmarrësit kanë marshuar në rrugët kryesore të Tiranë, duke artikuluar thirrje për ndryshim dhe mobilizim qytetar.
Nën sloganin “Shqipëri e Re”, protestuesit kanë vijuar lëvizjen e tyre në disa akse të qytetit, ndërsa i kanë bërë thirrje qytetarëve të tjerë që t’i bashkohen protestës dhe të dalin nga aktivitetet e përditshme.
Gjatë marshimit janë dëgjuar thirrje të ndryshme politike dhe sociale, ndërsa organizatorët kanë theksuar se protesta synon të zgjasë deri në realizimin e kërkesave të tyre.
Forcat e rendit kanë qenë të pranishme përgjatë gjithë itinerarit për të garantuar mbarëvajtjen e situatës dhe për të shmangur çdo incident të mundshëm.
