Gjatë një bashkëbisedimi me studentët, kryeministri Edi Rama shfrytëzoi rastin për të bërë disa batuta, ndërsa diskutohej procesi i negociatave të Shqipërisë me Bashkimin Evropian. Një student i drejtësisë u kap duke qeshur, dhe Rama e pyeti drejtpërdrejt.
Rama: Pse po qesh?
Studenti: Po dëgjoja.
Rama: Pse po qeshje se po dëgjoje, e dyshoj, të pashë.
Studenti: S’po qeshja.
Rama: Po ça po bëje? Po qeshje vetvetiu.
Studenti: Jam i lumtur për negociatat që do të hapen.
Rama: Negociatat janë hapur, s’e ke pasur mendjen! Janë të tëra të hapura!
Studenti: Që do të mbyllen pra!
Rama: Çfarë hapet, hapet për t’u mbyllur, jo për të ndenjur hapur!
