Tiranë, shtator 2025 – Qendra Shkencë dhe Inovacion për Zhvillim (SCiDEV) ka publikuar analizën e saj të pavarur ligjore mbi draftin e ri të Kodit Penal, duke ngritur shqetësime serioze për nenet që prekin lirinë e shprehjes dhe lirinë e medias.
Sipas SCiDEV, dispozitat që mbajnë shpifjen dhe fyerjen si vepra penale rrezikojnë të kthehen në instrument presioni dhe censurimi ndaj gazetarëve, aktivistëve dhe organizatave të shoqërisë civile, duke ndikuar drejtpërdrejt te e drejta e qytetarëve për t’u informuar. Organizata paralajmëron se këto ndryshime bien ndesh me standardet evropiane dhe angazhimet e Shqipërisë në procesin e integrimit në BE.
Rekomandimet kryesore të SCiDEV
Dekriminalizimi i shpifjes dhe fyerjes, dhe trajtimi i tyre vetëm me mjete civile proporcionale.
Mbrojtje më të forta për gazetarët dhe rojtarët publikë, përfshirë masa kundër padive strategjike (SLAPP) që synojnë të heshtin kritikën.
Heqja ose rishikimi i neneve që kufizojnë shprehjen, si ato për përdhosjen e Republikës dhe figurave shtetërore, të cilat cenojnë satirën dhe diskursin politik.
Harmonizimi i plotë me standardet e BE-së dhe Këshillit të Europës, duke reflektuar rekomandimet e qarta për dekriminalizimin e shpifjes dhe garantimin e lirisë së shprehjes.
Analiza e plotë është e disponueshme në gjuhën shqipe:
