Është ndarë nga jeta gjyqtari dhe avokati i njohur Hysen Kovaçi.
Prej 15 vitesh ai punoi si gjyqtar i Gjykatës së Elbasanit, duke mbajtur edhe postin e Kryetarit të Gjykatës.
Në vitin 1993 ai nisi të ushtrojë profesionin e avokatit duke lartësuar figurën e këtij profesioni.
Ndarja nga jeta ka hidhëruar pa masë familjen, të afërmit, miqtë dhe shokët e tij.
Një reagim i veçantë ka ardhur nga Dhoma e Avokatisë Elbasan.
Kryetari i kësaj Dhome, avokat Demir Çiftja, i ka kushtuar një dedikim të veçantë figurës së Hysen Kovaçit duke e cilësuar atë si një njeri të përkushtuar ndaj familjes, simbol i gjyqtarit të ndershëm dhe drejtësisë së paanshme.
